සිංහල භාෂාව හා සාහිත්‍යය - හනා හීය පානා අඩහැරෙන් දැනේ

විෂයය - සිංහල භාෂාව හා සාහිත්‍යය
පාඩම - හනා හීය පානා අඩහැරෙන් දැනේ 
පරිවේණාචාර්ය - පූජ්‍ය මීගොඩ සුමනරතන හිමි
පන්තිය පැවැත්වූ දිනය - 2020/06/27
පන්තිය පැවැත්වූ වේලාව - ප.ව. 2.00- 4.00
------------------------------------------------------------

AUDIO 🔊

සිංහල භාෂාව හා සාහිත්‍යය - 16 පාඩම II

විෂයය - සිංහල භාෂාව හා සාහිත්‍යය
පාඩම - 16 පාඩම II
පරිවේණාචාර්ය - පූජ්‍ය මීගොඩ සුමනරතන හිමි
පන්තිය පැවැත්වූ දිනය - 2020/06/27
පන්තිය පැවැත්වූ වේලාව - පෙ.ව. 8.00- 11.00
------------------------------------------------------------

දරුවනේ සුබ උදෑසනක් වේවා හැමෝටම......

සිංහල පාඩම පටන් ගමුද ????

ගිය සතියෙ ඉතිරි ටික කරමු

ලැස්තියි ද ...ඕන් එහෙනම් අයුබෝ කියල...නමෝ විත්තියෙන් වෙඩේ පටන් ගමු....

ගිය සතියෙ 16 පාඩම නේද කලේ....

එතෙපුල් අමා හැල්ලෙන්

අද එකෙ අනික් කොටස

අක්ෂර වින්‍යාසය ...

මේක බලන්නකෝ

මේකත් කියවන්න

https://m.facebook.com/story.php?story_fbid=989571214417879&substory_index=0&id=978274055547595&sfnsn=mo

දැන් ව්‍යාකරණ සටහන් පොත ගන්න....

මේ සටහන ලියා ගන්න

අක්ෂර වින්‍යාසය

01. න / ණ , ල / ළ භාවිතය

ණ භාවිතය

(1) ර/ෂ/ඍ යන අක්ෂරයකට පසුව කිසියම් වචනයක ණ යෙදේ නම් එය මුර්ධජ ණ වේ.

  ex.

දෙරණ / සරණ / මරණය / විවරණ / විෂ්ණු / පාෂාණ / භක්ෂණ / ලක්ෂණ /තෘණ / ඍණ

(2)ර/ෂ/ඍ යන අක්ෂරයකට පසු පහත සදහන් අකුරක් හෝ කිහිපයක් යෙදුනද ණ මූර්ධජ වේ

I. ක වර්ගය ( ක,ඛ,ග,ඝ,න)

II. ප වර්ගය (ප,ඵ,බ,භ,ම)

III.ස්වර

IV. හ්/ව්/ය්

ex.

තර්කණ , දර්පණ , නිර්මාණ , බ්‍රාහ්මණ , විෂ්කම්භණ , රාමායණය

**ඉහත කී අකුරු වලින් පසුව I,II,III,IV යන අකුරු වලට වඩා වඩා වෙනස් අකුරක් හෝ කීපයක් යෙදුනු විට න දන්තජ වේ.

ex.

මර්දනය , නර්තන , ආරාධනා , දර්ශනය , ප්‍රාර්ථනා , ප්‍රශ්න , රචනාව , පරිවර්තනය

**ර කාරාන්ත ධාතු වලින් සෑදෙන වර්ථමාන කෘදන්ත පද වල න කාරය දන්තජ වේ.

ex.

හදාරන , කරන , මරන , මතුරන

(3)මාතෘ භාෂාගත පාලි-සංස්කෘත වචනයක මූර්ධජ අකුරකට පූර්වයෙන් බොහෝ විට යෙදෙන්නේ මූර්ධජ ණ වේ.

ex.

කණ්ටක , කොණ්ඩය , දණ්ඩ , ඝණ්ඨාව , බණ්ඩාර , කණ්ඨජ , පණ්ඩිත , පුණ්ණ

**මෙයට විකල්පව භවිතා වන වචන කීපයකි.

ex.

බ්‍රැන්ඩි , ඇන්ටනා

(4)ගෞරවාර්තයේ යෙදෙන ආණ , අණු , අණි , අණ්ඩි , අණ්ඩ යන තද්ධ්ත ප්‍රත්‍ය සහිත පද වල මූර්ධජ ණ යෙදේ.

ex

පුතණුවෝ , තෙරණුවෝ , සිටාණ , මෑණියෝ , අයියණ්ඩි , මලණ්ඩ

(5)බහු වචනයේදී හල් වන න කාරය සහිත පද දන්තජ න සහිත වේ.

ex.

කන-කන් , පින-පින් , රෑන-රෑන් , නුවන-නුවන් , පෑන-පෑන්

**න / ණ යෙදීම නිසා අර්ථය වෙනස් වන පද රාශියක්ද සිංහලයේ ඇත.

ex.

කණ-එකැස් , කන-සවන

නුවණ-බුද්ධ්ය , නුවන-ඇස්

ළ භාවිතය

(1) ර කාරන්ත ධාතුවකින් සෑදෙන අතීත ක්රියාරූපවල ර වෙනුවට යෙදෙනුයේ මූර්ධජ ළ කාරයයි.

මර--->මළේය

හදාර-->හදාළේය

මතුර-->මතුළේය

වදාර-->වදාළේය

වපුර-->වපුළේය

අතුර-->අතුළේය

(2) ට / ඨ / ඩ / ණ අක්‍ෂර යුතු මාතෘ භාෂාවක අක්‍ෂරයක් සිංහලයට එන විට සිංහලයේ යෙදෙනුයේ මුර්ධජ ළ කාරයයි.

‌දාඨා-->දළ

ක්‍රීඩා-->කෙළි

කිරීට-->කිරුළ

පඨවි-->පොළව

සාඨක-->සළුව

වාණිජ-->වෙළද

(3) ල කාර දෙකක් එක ළග යෙදෙන විට මුර්ධජ ල පළමුව යෙදීම සාමාන්‍ය රීතියයි.

උළෙල

කළල

සළෙල

(4) සඤ්ඤක අකුරකට පෙර යෙදෙන ල මුර්ධජ වේ.

ළිදළග

ළද

වෙළඹ

දිළිඳු

(5) ද්විත්ව වී අරුත් දෙන ල යෙදූ පදවල යෙදෙන්නේ දන්තජ ල කාරයයි.

සියලු-->සියල්ල

මලු-->මල්ල

කඩුලු-->කඩුල්ල

පොලු-->පොල්ල

** එසේ නොවන විට

ගැටළු

(6) ල /ළ යෙදීම නිසා අර්ථය වෙනස් වන පද

අළු (පාට) --------අලු (ආලෝකය)

පැළ(ශාක)--------පැල (පොඩි ගෙය)

03. ශ /ෂ /ස භාවිතය

ශ භාවිතය

(1) බොහෝ විට තාලුජ අක්‍ෂරයක් සමග සංයෝජනය වනුයේ ශ කාරයයි.

තාලුජ අක්‍ෂර :-  ච , ඡ , ජ , ඣ ,ඤ

දුශ්චරිත ,ආශ්චර්ය , නිශ්ශබ්ද , නිශ්ශංක

(2) තාලුජ අක්‍ෂරයක් නොමැති තන්හිද තාලුජ ශ යෙදෙන තැන් ඇත.

අනුශාසනා , විශාරද , ක්ලේශ , ශ්‍රවණ

(3) ඇතැම් විට “ව” යන්නට මුලින් යෙදේ.

විශ්වාස , ඊශ්වර , විශ්වය , අශ්වයා

(4) ශ / ස සංයෝජනයේදී තාලුජ ශ මුලින් යෙදේ.

ප්‍රශස්ති , ශාස්ත්‍රාලය , ශාසනය

(5) ශ / ෂ සංයෝජනයේදී තාලුජ ශ මුලින් යෙදේ.

ශිෂ්ටාචාර , විශේෂ , විශිෂ්ට , ශිෂ්‍යයා

ෂ භාවිතය

(1) මුර්ධජ අක්ෂරයකට පුර්වයෙන් මුර්ධජ ෂ යෙදේ.

විෂ්ණු , නෂ්ට , දෘෂ්ටි , අෂ්ටලෝක , ක්‍රිෂ්ණජිනා

(2) ක සමග සංයෝග වන්නේ මුර්ධජ ෂ වේ.

අක්‍ෂර , දුෂ්කර , පරීක්ෂණ , තීක්ෂණ

(3) ඇතැම් විට ප බලපෑම නිසා ෂ යෙදේ.

නිෂ්පාදන , නිෂ්ප්‍රභා , නිෂ්පත්තිය

*ඉෂ්ඨ ප්‍රත්‍ය සහිත වචන*

කන් + ඉෂ්ඨ = කනිෂ්ඨ

ජ්‍යා + ඉෂ්ඨ = ජ්‍යෙෂ්ඨ

ශ්‍රා + ඉෂ්ඨ = ශ්‍රේෂ්ඨ

පාප + ඉෂ්ඨ = පාපිෂ්ඨ

ධර්ම + ඉෂ්ඨ = ධර්මිෂ්ඨ

04. තද්ධිත ප්‍රත්‍ය භාවිතය

වත් / මත් ප්‍රත්‍ය භාවිතය

වත් ප්‍රත්‍ය භාවිතය

ප්‍රත්‍යය එකතු වීමට පුර්වයේ ඇති නාම පදය අ / ආ /ඇ යන ස්වර වලින් හා හල් අකුරකින් අවසන් වන පද සමග යෙදේ

ආදර්ශ (අ) +වත් = ආදර්ශවත්                           ප්‍රබෝධ (අ) + වත් = ප්‍රබෝධවත්

ප්‍රභා (ආ) + වත් =ප්‍රභාවත්                                සෝභා (ආ) + වත් = සෝභාවත්

සැදැහැ (ඇ) +වත් =සැදැහැවත්

පින් (්) +වත් = පින්වත්

මත් ප්‍රත්‍ය භාවිතය

උ / ඌ /ඉ /ඊ යන ස්වර වලින් අවසන් පද සමග මත් ප්‍රත්‍ය යෙදේ.

දිරි (ඉ) + මත් = දිරිමත්

බි (ඊ) + මත් = බිමත්

ඉසුරු (උ) +මත් =ඉසුරුමත්

රූ (ඌ) මත් =රූමත්

ඉක /ඊය ප්‍රත්‍ය භාවිතය

ප්‍රත්‍ය එකතු වන නාම පදයේ මුලින් ඇති ස්වරය වෘදධි වේ.

 

අ > ආ 

පරිසර + ඉක =පාරිසරික

සමාජ + ඉක =සාමාජික

ඉ > ඓ

ඉතිහාස + ඉක = ඓතිහාසික

දින + ඉක= දෛනික

උ > ඖ

පුද්ගල + ඉක =පෞද්ගලික

පුරාණ + ඉක =පෞරාණික

*වෘද්ධි නොවන පද ස්වල්පයක්ද වේ.*

ක්ෂණික , රසායනික , රසික ,පන්තික , සංස්කෘතික , ව්‍යවහාරික

 

05. සන්ධි වන පද වල අක්‍ෂර වින්‍යාසය

දීර්ඝ සන්ධිය

බුද්ධි + ඉන්ද්‍රිය =බුද්ධීන්ද්‍රිය

රිද්ම + අනුකුල = රිද්මානුකුල

අන්තඃ ස්වරාදේශ

අති + අලංකාර = අත්‍යලංකාර

අති + අවශ්‍ය = අත්‍යවශ්‍ය

නීති + අනුකුල =නීත්‍යනුකුල

සටහන ලියා ගෙන

ඊට පස්සේ....ඒ පොතේ ම...145,147,149...( පෙළ පොතේ ) අභ්‍යාස කරන්න

කරල මට එවන්න....

මම දැන් ඉදන් ඔන්ලයින් ඉන්නවා....ඕනි දෙයක් අහන්න....ඉන්න අය ලයික් එකක් දාන්න.....

AUDIO 🔊